Ayni paytda "Toshkent" telekanalida "Ochiq muloqot" ko‘rsatuvi jonli efirda namoyish etilib, unda "Maxsustrans" DUK mas’ul xodimlari ishtirok etdi. Ko‘rsatuv davomida shaharni sanitariya jihatidan tozalash sohasiga oid dolzarb masalalar, mavjud muammolar va ularni hal etish yo‘llari, shuningdek, korxonani yaqin kelajakda rivojlantirish bo‘yicha istiqbolli rejalar atroflicha muhokama qilindi.

Bundan tashqari, korxona mutaxassislari efir davomida fuqarolardan kelib tushgan savollarga javob berib, belgilangan muammolar bo‘yicha tushuntirishlar va konstruktiv takliflar berishdi. Dastur ishtirokchilari aholi bilan ochiq muloqot qilish, fuqarolarning murojaatlariga tezkor javob berish va ko‘rsatilayotgan kommunal xizmatlar sifatini yanada oshirish muhimligini ta’kidladilar.