Yangi tartibga ko‘ra, maishiy chiqindilarni olib chiqib ketish xizmatlari bo‘yicha qarzdorligi bo‘lgan abonentlar qarzdorlik to‘liq qoplanmaguncha elektr energiyasi uchun to‘lovni amalga oshira olmaydi.

Joriy yilning 5-noyabr holatiga ko‘ra, Toshkent shahri bo‘yicha chiqindilarni olib chiqib ketish xizmatlari uchun qarzdorligi mavjud bo‘lgan 25 121 nafar abonent "RES" AJning "2100" qisqa raqamidan yuborilgan SMS-xabarnoma orqali ogohlantirilgan. Ushbu cheklov qarzdorlik to‘liq to‘langandan so‘ng darhol olib tashlanadi.

Hurmatli abonentlar!
Maishiy chiqindilarni olib chiqib ketish xizmatlari uchun to‘lovni o‘z vaqtida amalga oshirishingizni so‘raymiz. Abonentlar soni o‘zgargan taqdirda, bu haqda darhol tegishli tashkilotlarga xabar bering. Bu bilan siz xizmat ko‘rsatish bilan bog‘liq yuzaga kelishi mumkin bo‘lgan muammolarning oldini olasiz!