Toshkent shahar hokimining Yangi yilni munosib kutib olish, aholi o‘rtasida ijobiy kayfiyat yaratish, shuningdek, poytaxt obyektlarini bayramona bezatish bo‘yicha topshirig‘iga muvofiq, "Maxsustrans-ishlab chiqarish boshqarmasi" davlat unitar korxonasi birinchilardan bo‘lib ushbu xayrli tashabbusni qo‘llab-quvvatladi.

Korxona tasarrufidagi chiqindi yig‘ish maydonchalari va maxsus texnikalar nafosat va uyg‘unlikka rioya qilgan holda yangi yil bezaklari bilan bezatilib, poytaxt qiyofasiga o‘zgacha bayramona ruh, go‘zallik va tantanavorlik bag‘ishlandi. Ushbu tashabbusning amalga oshirilishi shahar aholisining ijtimoiy kayfiyatini ko‘tarishga va qulay bayram muhitini yaratishga xizmat qiladi.

Kirib kelayotgan Yangi yil barchamiz uchun tinchlik va osoyishtalik, barqaror rivojlanish, salmoqli yutuqlar va ezgu maqsadlar sari dadil qadamlar yili bo‘lsin. Yangi yil har bir xonadonga quvonch, farovonlik va baraka olib kelsin!