Ijtimoiy tarmoqlarda "nadir_shamss" ismli foydalanuvchi tomonidan Ohangaron poligonida chiqindilarni yoqish va atmosfera havosini ifloslantirish holatlari mavjudligi haqidagi ma’lumotlar tarqatilgani munosabati bilan "Maxsustrans PU" DUK quyidagilarni ma’lum qiladi.

O‘tkazilgan tahlillar shuni ko‘rsatdiki, Ohangaron tumanida joylashgan yangi qattiq maishiy chiqindilar poligonida chiqindilarni yoqish holatlari aniqlanmagan. Poligon amaldagi ekologik me’yorlarga qat’iy muvofiq ravishda faoliyat yuritadi. Qo‘shimcha ravishda shuni tushuntiramizki, avvalgi, unga tutash poligon hududida chiqindilar belgilangan tartibda tuproq bilan qoplangan va rekultivatsiya qilingan, bu esa ularning yonib ketish ehtimolini istisno etadi. "MU Maxsustrans" DUK taqdim etilayotgan ma’lumotlarning ochiqligi va ishonchliligi tamoyillariga izchil amal qiladi hamda fuqarolarni faqat rasmiy manbalarga tayanishga chaqiradi.