Aholi o‘rtasida ekologik madaniyatni shakllantirish uchun qat’iy choralarni qo‘llash shartmi? Ma’lumki, ekoinspektorlar har kuni ko‘cha va mahallalarda reydlar o‘tkazib, belgilanmagan joylarga chiqindi tashlash holatlarini aniqlamoqda va ma’muriy jarima choralarini qo‘llamoqda. Biroq qonuniy savol tug‘iladi: biz chindan ham jarimalar ta’sirida ekologik madaniyatli bo‘lib qolamizmi?

Bizning mahallamiz, bizning ko‘chamiz bizning umumiy uyimiz emasmi? Nima uchun uni o‘z tashabbusimiz bilan asrab-avaylashga intilmaymiz? Biz nafas olayotgan havo hammamiz uchun umumiy emasmi? Nima uchun biz faqat qattiq choralar qo‘llanilgandagina tartibni saqlay boshlaymiz?Nima uchun biz shunchaki qonunlarni hurmat qila olmaymiz va o‘z mamlakatimizni seva olmaymiz?

Shuni tushunish muhimki, fotosuratlarda davlat yoki tashkilotlarning harakatlari aks ettirilmagan. Bu axlatxonalar maxsus ajratilgan joylar va chiqindilar uchun konteynerlar mavjudligiga qaramay, odamlarning o‘zlari - qo‘shnilarimiz, o‘zimiz tomonidan tashkil etilgan. Ekologik madaniyat jarimalardan emas, balki har bir kishining shaxsiy mas’uliyatidan boshlanadi.