"Tozalik va ozodalik oyligi"ni samarali amalga oshirish maqsadida Bosh prokuror o‘rinbosari Sh.J.To‘xtaboyev boshchiligidagi ishchi guruh tomonidan Olmazor tumani hududida joylashgan qattiq maishiy chiqindilarni to‘plash maydonchalarining holati, shuningdek, ularning ishlash sharoitlari va xizmat ko‘rsatish tizimi tahlil qilinmoqda.

Sayyor monitoring davomida "Islom ota" va "Oltinsoy" mahallalarida joylashgan konteyner maydonchalari ko‘zdan kechirildi. O‘rganish yakunlari bo‘yicha aniqlangan kamchiliklarni bartaraf etish, maydonchalarning sanitariya holatini yaxshilash va ularning to‘g‘ri ishlashini ta’minlash bo‘yicha mas’ul tashkilotlar va mutasaddilarga tegishli topshiriqlar berildi. Bunday tadbirlarning amalga oshirilishi chiqindilarni boshqarish tizimining samaradorligini oshirish, hududlarning sanitariya holati ustidan nazoratni kuchaytirish hamda shaharda tozalik va tartibni ta’minlashga xizmat qiladi.