Endi O‘zbekistonda qattiq maishiy chiqindilar yoqish orqali elektr energiyasi ishlab chiqarish uchun ishlatiladi. O‘zbekiston Respublikasi Prezidentining 24.03.2025-yildagi PQ-116, PQ-117, PQ-118-son qarorlariga muvofiq, Toshkent shahri, shuningdek, Andijon, Namangan, Farg‘ona, Toshkent, Qashqadaryo va Samarqand viloyatlarida qattiq maishiy chiqindilardan elektr energiyasi ishlab chiqarish bo‘yicha investitsiya loyihalarini amalga oshirish chora-tadbirlari tasdiqlandi.

Ushbu qarorlarga ko‘ra, mazkur hududlarda chiqindilarni boshqarish sohasida zamonaviy texnologiyalar va ekologik xavfsiz yechimlarni joriy etish rejalashtirilgan bo‘lib, bu bir vaqtning o‘zida ekologik vaziyatni yaxshilash va chiqindilarni qayta ishlash orqali elektr energiyasi ishlab chiqarishni ta’minlash imkonini beradi. Shuningdek, ushbu tarmoqqa to‘g‘ridan-to‘g‘ri xorijiy investitsiyalarni jalb qilish ko‘zda tutilgan. Elektr energiyasini yetkazib berish va qattiq maishiy chiqindilarni qabul qilish to‘g‘risidagi shartnomalarga muvofiq, loyiha kompaniyalari ishlab chiqarilgan elektr energiyasini 30 yil davomida "O‘zenergosotish" AJga kafolatli sotishni amalga oshiradi.