Bugun Toshkent shahar hokimligi huzuridagi "Maxsustrans" DUK xodimlari tomonidan "Yashil makon" umummilliy loyihasi doirasida Toshkent viloyati Ohangaron tumanida joylashgan qattiq maishiy chiqindilar poligoni hududida keng ko‘lamli ko‘kalamzorlashtirish ishlari amalga oshirildi.
Ekologik vaziyatni yaxshilash, atrof-muhitni asrash va yashil hududlarni kengaytirish maqsadida poligon hududida 1500 tupga yaqin terak ko‘chatlari ekildi. Korxona xodimlari ko‘chat ekish ishlarida faol ishtirok etdilar, shuningdek, yosh daraxtlarning yanada o‘sishi va rivojlanishini ta’minlash uchun zarur agrotexnik tadbirlarni bajardilar.
Ushbu ekologik aksiya tabiiy muvozanatni mustahkamlash, havo sifatini yaxshilash, hududning ekologik barqarorligini oshirish va kelajak avlodlar uchun yanada qulay va yashil muhit yaratishga qaratilgan.
