2025-yil 7-fevralda O‘zbekiston Respublikasi Prezidentining "O‘zbekiston - 2030" strategiyasini "Atrof-muhitni asrash va "yashil iqtisodiyot" yilida amalga oshirishga oid davlat dasturi to‘g‘risida"gi Farmoni qabul qilindi. Hujjatda ekologik xavfsizlikni ta’minlash, tabiiy resurslardan oqilona foydalanish, atrof-muhitga salbiy ta’sirni kamaytirish, shuningdek, mamlakatning "yashil" iqtisodiyot tamoyillariga o‘tishini jadallashtirishga qaratilgan davlat siyosatining asosiy vazifalari va ustuvor yo‘nalishlari belgilangan. Davlat dasturi doirasida chiqindilarni boshqarish tizimini takomillashtirish, qayta tiklanuvchi energiya manbalaridan foydalanishni kengaytirish, iqtisodiyot tarmoqlarining energiya samaradorligini oshirish, hududlarni ko‘kalamzorlashtirish va ekologik infratuzilmani yaxshilash bo‘yicha keng ko‘lamli loyihalarni amalga oshirish ko‘zda tutilgan.

Aholining ekologik madaniyatini shakllantirish, zamonaviy tabiatni muhofaza qilish texnologiyalarini joriy etish, "yashil" ishlab chiqarishni rivojlantirish va mamlakatning barqaror ijtimoiy-iqtisodiy rivojlanishi uchun qulay shart-sharoitlar yaratishga alohida e’tibor qaratilmoqda. "O‘zbekiston - 2030" strategiyasida ko‘zda tutilgan vazifalarni amalga oshirish hozirgi va kelajak avlodlar uchun ekologik toza, qulay va xavfsiz muhitni yaratish, shuningdek, O‘zbekistonning barqaror rivojlanish tamoyillarini izchil amalga oshiruvchi davlat sifatidagi mavqeini mustahkamlash yo‘lida muhim qadam bo‘ladi.