Sana 2025-yil 22-may
Boshlanish vaqti: 09:30

Hurmatli ommaviy axborot vositalari vakillari va blogerlar!

Sizni poytaxtda maishiy chiqindilarni yig‘ish, tashish, saralash va joylashtirish tizimiga bag‘ishlangan press-turda ishtirok etishga, shuningdek, sohada amalga oshirilayotgan islohotlar va chiqindilarni boshqarish bo‘yicha zamonaviy yondashuvlar bilan tanishishga taklif etamiz. Tadbir doirasida ishtirokchilar quyidagi ish yo‘nalishlari bilan tanishishlari mumkin:

chiqindilar bilan bog‘liq ishlarni amalga oshirishda raqamli texnologiyalarni qo‘llash;

maishiy chiqindilarni har kuni yetkazib berish yo‘nalishlari va punktlari;

chiqindilarni saralash va qayta ishlash bo‘yicha olib borilayotgan ishlar;

ixtisoslashtirilgan texnikaning texnik imkoniyatlari va ishlab chiqarish quvvati;

chiqindi to‘plash punktlarida yaratilgan shart-sharoitlar;

Toshkent viloyatida qurilgan yangi zamonaviy qattiq maishiy chiqindilar poligoni faoliyati.

Press-tur davomida ishtirokchilar soha mutaxassislaridan batafsil ma’lumot olish, joylardagi obyektlar faoliyati bilan tanishish, shuningdek, chiqindilarni boshqarish tizimini rivojlantirishning dolzarb yo‘nalishlari bo‘yicha o‘zlarini qiziqtirgan savollarni berish imkoniyatiga ega bo‘ladilar. Tadbir ishtirokchilari orasida OAV va blogosfera vakillarini ko‘rishdan mamnun bo‘lamiz!