Qadrli vatandoshlar!

Uzoq kutilgan, go‘zal va haqiqatan ham sehrli fasl - tabiatning uyg‘onishi, hayotning yangilanishi va Sharq taqvimi bo‘yicha yangi yilning boshlanishini anglatuvchi Navro‘z bayrami kirib kelmoqda. Jamoamiz nomidan barcha yurtdoshlarimizni ushbu ulug‘ va munavvar ayyom — Navro‘z bilan chin yurakdan samimiy tabriklaymiz! Navro‘z har bir xonadonga tinchlik va osoyishtalik, baxt va farovonlik, to‘kin-sochinlik va ravnaq olib kelsin. Ushbu bahor bayrami insonlar qalbini quvonch, ezgulik va porloq kelajakka umid bilan to‘ldirsin. Barcha ezgu orzularingiz va ezgu tilaklaringiz ro‘yobga chiqsin! Yurtimiz uzra doimo musaffo osmon, barqarorlik va totuvlik hukm sursin, xalqimiz farovon va ahil yashasin! Navro‘z barchamizni tinchlik va bunyodkorlikka intilishda birlashtiruvchi birlik, yangilanish va ezgulik ramzidir.