Odamlar ko‘pincha shahar ko‘chalarida axlat qutilari yetarli emasligidan shikoyat qilib, bu daraxtlar ostida, yo‘l bo‘ylarida va ariqlarda chiqindilarning to‘planishiga sabab bo‘ladi, deb hisoblashadi. Biroq, bunday holatlarga qarab, savol tug‘iladi: muammo har doim ham kommunal xizmatlar yoki davlat tashkilotlari bilan cheklanib qoladimi?

Zero, konteyner va axlat qutilari mavjud bo‘lsa-da, ayrim fuqarolar chiqindilarni belgilanmagan joylarga tashlashni davom ettirmoqda, atrof-muhitga va shahrimizni har kuni toza saqlashda ishtirok etayotgan insonlarning mehnatiga befarqlik ko‘rsatmoqda. Tozalik madaniyati axlat qutilari sonidan emas, balki har bir kishining shaxsiy mas’uliyatidan boshlanadi. Boshqalarni ayblashdan oldin o‘zingizdan, o‘z xatti-harakatlaringizdan va yosh avlod tarbiyasidan boshlash kerak. Faqat birgalikdagi sa’y-harakatlar bilan shahrimizni toza, chiroyli va yashash uchun qulay saqlashimiz mumkin. Atrofdan aybdorlarni qidirmaylik - o‘zimizda tabiatga, o‘z shahrimizga va atrofdagilarning mehnatiga nisbatan hurmatni tarbiyalaylik!