"Tozalik va ozodalik oyligi" tadbirlari doirasida Bosh prokuror o‘rinbosari Sh.To‘xtaboyev boshchiligidagi ishchi guruh Mirobod tumanidagi "Ziyonur" mahallasida bo‘ldi. Tashrif davomida hududning sanitariya holati, aholi va tadbirkorlik subyektlari tomonidan chiqindilar bilan ishlash qoidalariga rioya etilishiga alohida e’tibor qaratildi.

Ishchi guruh a’zolari tomonidan ko‘cha va jamoat joylariga chiqindi tashlab, atrof-muhitga zarar yetkazayotgan, sanitariya tartibini buzayotgan ayrim xonadon va savdo shoxobchalari egalari bilan tushuntirish va profilaktik suhbatlar o‘tkazildi. Qoidabuzarlarga nisbatan O‘zbekiston Respublikasining amaldagi qonunchiligiga muvofiq choralar ko‘rildi. Bunday tadbirlar fuqarolarning mas’uliyatini oshirish, aholining ekologik madaniyatini mustahkamlash, shahar muhitining tozaligi va obodonligini ta’minlashga xizmat qiladi.