Poytaxtda "Tozalik va ozodalik oyligi" va "Toza poytaxt" loyihalari doirasida sanitariya tozaligi va obodonlashtirishni ta’minlash bo‘yicha kompleks chora-tadbirlarni amalga oshirish davom etmoqda.Ishlarga 900 ga yaqin maxsus texnika, 8 mingga yaqin ishchi, shuningdek, 260 nafar inspektor, FVVning 160 nafar xodimi va Milliy gvardiyaning 100 nafar harbiy xizmatchisi jalb etilgan. 585 ta mahallada 660 gektardan ortiq hudud tozalanib, 3,5 ming tonnaga yaqin maishiy va qattiq chiqindilar olib chiqildi. 2 ming 500 ta ko‘p qavatli uylarga tutash hududlar to‘liq tozalandi. 89 ta uchastkada 10,7 km kanallar tozalanib, 484 tonnaga yaqin chiqindi olib chiqildi.

Shaharni tozalash, sanitariya xavfsizligi va obodonlashtirish ishlari rejali va tizimli ravishda davom ettirilmoqda. Ushbu chora-tadbirlarni amalga oshirish poytaxt aholisi uchun yanada qulay, toza va ekologik xavfsiz shahar muhitini yaratishga qaratilgan.