Qor yog‘ishi davom etayotganiga qaramasdan, "Maxsustrans" ishlab chiqarish boshqarmasi" davlat korxonasining tuman filiallari tomonidan poytaxtimiz ko‘chalarini maxsus texnikalar yordamida tunu kun tozalash ishlari olib borilmoqda. Asosiy magistral yo‘llar, ichki ko‘chalar va yo‘l tarmog‘ining boshqa qismlariga qor tozalash uskunalari bilan jihozlangan maxsus avtomobillar chiqarildi. Texnikalar qorni tozalab, yo‘llarni xavfsiz va qatnovli holatda saqlashni ta’minlaydi.

O‘tkazilayotgan tadbirlarning asosiy maqsadi yo‘l harakati xavfsizligini ta’minlash, avtomobil haydovchilari va piyodalar uchun qulay sharoitlar yaratish, qish mavsumida yo‘llarda yuzaga kelishi mumkin bo‘lgan qiyinchiliklarning oldini olishdan iborat. Shahar ko‘chalarini tozalash va sanitariya holatini saqlash ishlari kuchaytirilgan tartibda davom ettirilmoqda, barcha mas’ul xizmatlar esa ob-havo o‘zgarishlariga tezkor javob berish uchun doimiy tayyorgarlikda turibdi. Poytaxt aholisi va mehmonlaridan yo‘llarda ehtiyot bo‘lishlarini va sayohatlarini rejalashtirishda imkon qadar ob-havo sharoitlarini hisobga olishlarini so‘raymiz.