Qorli qish kunlari boshlanishi bilan ob-havo sharoiti yo‘l harakati ishtirokchilari uchun qo‘shimcha qiyinchiliklar tug‘dirmoqda. Yog‘ingarchilik, yaxmalak va ko‘rinish darajasining pasayishi haydovchilardan yuqori diqqat-e’tiborni va yo‘llarda xavfsizlik qoidalariga qat’iy rioya qilishni talab etadi. Murakkab ob-havo sharoitiga qaramay, "Maxsustrans" DUK xodimlari o‘z vazifalarini odatdagi tartibda bajarishni davom ettirmoqda. Maishiy chiqindilarni olib chiqish ishlari tasdiqlangan marshrut jadvallariga muvofiq amalga oshirilmoqda, korxona mutaxassislari esa poytaxt aholisiga uzluksiz sanitariya xizmati ko‘rsatishni ta’minlash uchun barcha sa’y-harakatlarni amalga oshirmoqda.

Korxona qish mavsumida maxsus texnikalardan xavfsiz foydalanish uchun zarur choralarni ko‘rmoqda, haydovchilar va ishchilar xavfsizlik talablariga rioya qilish bo‘yicha tegishli yo‘riqnomalardan o‘tmoqda. "Maxsustrans" DUK barcha yo‘l harakati ishtirokchilarini o‘ta ehtiyotkor bo‘lishga, tezlikni saqlashga va murakkab ob-havo sharoitida ham shahar hayotini ta’minlovchi kommunal xizmatlar ishiga tushunish bilan yondashishga chaqiradi.