Erta tongdan korxonada haydovchilar, ishlab chiqarish bo‘linmalari xodimlari va mas’ul mutaxassislar ishtirokida saf yig‘ilishi bo‘lib o‘tdi.

Yig‘ilishda Ramazon hayiti va Navro‘z bayramlarida shaharning sanitariya tozaligi va obodonchiligini ta’minlash bo‘yicha ustuvor vazifalar belgilab olindi. Ishlarni sifatli va o‘z vaqtida bajarish, xavfsizlik texnikasi qoidalariga rioya qilish va maxsus texnikalardan samarali foydalanishga alohida e’tibor qaratildi.

Ayni paytda korxona ishi kuchaytirilgan tartibda tashkil etilgan. Xodimlar va maxsus texnikalar masjidlar, markaziy ko‘chalar, istirohat bog‘lari, xiyobonlar, shuningdek, ziyoratgohlar va fuqarolarning ommaviy tashrif buyuradigan joylariga jalb qilingan. Chiqindilarni yig‘ish va olib chiqish, hududlarni sanitariya jihatidan tozalash, jamoat joylarini obodonlashtirish va daraxt shoxlarini kesish ishlari olib borilmoqda. Barcha zarur chora-tadbirlar bayram kunlari poytaxt aholisi va mehmonlari uchun tozalik, tartib va qulay sharoitlarni ta’minlashga qaratilgan.