"Olmazor-Maxsustrans" ATF boshlig‘i Jamshid Sagdullayev, "Olmazor-Maxsustrans" ATF bosh muhandisi Xayrulla Usmonov hamda "Mirzo Ulug‘bek-Maxsustrans" ATF boshlig‘i Sunnat Ahmedovni munosib mukofotlari bilan chin dildan tabriklaymiz! Mehnatingizning yuqori baholanishi ko‘p yillik halol mehnatingiz, kasbiy mahoratingiz, mas’uliyatingiz va soha rivojiga qo‘shgan salmoqli hissangizning e’tirofidir. Sizlarning ishga sadoqat bilan xizmat qilishingiz, tashabbuskorligingiz va yuqori natijalarga erishishga intilishingiz samimiy hurmat va ehtiromga loyiqdir.

Butun jamoa nomidan sizlarga eng samimiy tabriklarimizni izhor etamiz hamda mustahkam sog‘lik, oilaviy farovonlik, tuganmas g‘ayrat, yangi kasbiy yutuqlar va mas’uliyatli faoliyatingizda yangi muvaffaqiyatlar tilaymiz. Xizmatlaringiz bundan buyon ham munosib e’tirof etilsin, oldinda esa sizni xalqimiz va mamlakatimiz farovonligi yo‘lidagi yangi yutuqlar, yuksak mukofotlar va muvaffaqiyatlar kutsin! Munosib mukofotlar bilan! Sizga yangi g‘alabalar va yutuqlar tilaymiz!