Aholiga xizmat ko‘rsatish sifatini oshirish va sanitar tozalash tizimi faoliyatining shaffofligini ta’minlash maqsadida poytaxt aholisi uchun yangi raqamli xizmatlar joriy etildi.

Endi Toshkent aholisi Tozapoytaxt.uz platformasidagi GPS tizimi orqali chiqindi tashish mashinalari harakatini real vaqt rejimida kuzatish imkoniyatiga ega bo‘ldi. Bu yo‘nalishlarning bajarilishini nazorat qilish imkonini beradi, kommunal xizmatlar faoliyatining ochiqligini oshiradi va aholi bilan yanada qulay hamkorlikni ta’minlaydi. Bundan tashqari, chiqindilarni boshqarish masalalari bo‘yicha fuqarolarning shikoyat, taklif va murojaatlarini qabul qilish markazlashtirilgan holda xalqnazorati.uz platformasi orqali amalga oshiriladi. Buning natijasida murojaatlar tezroq ko‘rib chiqiladi va ularning ijrosi ustidan nazorat yanada samarali bo‘ladi.

Zamonaviy raqamli texnologiyalarni joriy etish kommunal xizmatlar faoliyatining shaffofligini oshirish, ko‘rsatilayotgan xizmatlar sifatini yaxshilash va aholi bilan qayta aloqaning qulay mexanizmlarini yaratishga xizmat qiladi. Chiqindilarni boshqarish tizimini raqamlashtirish zamonaviy, samarali va ekologik xavfsiz shahar muhitini shakllantirish yo‘lidagi muhim qadamdir.