Shuni ma’lum qilamizki, "Maxsustrans" davlat korxonasi Ishlab chiqarish boshqarmasi, shuningdek korxonaning barcha tuman filiallari bugungi kunda o‘z faoliyatini odatdagi tartibda amalga oshirmoqda.

Maishiy chiqindilarni yig‘ish va olib chiqish ishlari tasdiqlangan jadvalga muvofiq tashkil etilgan bo‘lib, to‘liq hajmda amalga oshirilmoqda. Xizmatlarning uzluksiz va sifatli ko‘rsatilishini ta’minlash uchun maxsus texnikalar va ishlab chiqarish brigadalari jalb etilgan. Korxona xodimlari poytaxtning barcha tumanlarida chiqindilarni o‘z vaqtida olib chiqib ketishni ta’minlash orqali poytaxtning sanitariya tozaligi va ekologik osoyishtaligini saqlash bo‘yicha vazifalarni bajarishda davom etmoqda. Chiqindilarni olib chiqib ketish, hududlarning sanitariya holati, shuningdek, ko‘rsatilayotgan xizmatlar sifati bilan bog‘liq barcha masalalar bo‘yicha fuqarolar bevosita korxonaga, uning hududiy filiallariga murojaat qilishlari yoki murojaatlarni tezkorlik bilan ko‘rib chiqish uchun dispetcherlik xizmatiga murojaat qilishlari mumkin. Aholiga hamkorlik uchun minnatdorchilik bildiramiz hamda tozalik va ekologik madaniyatni saqlash muhimligini eslatib o‘tamiz.