2025 yil yakunlari - faoliyatimiz raqamlarda

O‘tgan 2025 yil davomida poytaxtda chiqindilarni to‘plash infratuzilmasini yaxshilash, sanitariya holatini barqarorlashtirish va aholiga qulay sharoitlar yaratishga alohida e’tibor qaratildi.

Jumladan, “Maxsustrans – ishlab chiqarish boshqarmasi” Davlat korxonasi tomonidan Toshkent shahrida mavjud chiqindi yig‘ish maydonchalarini yangilash va takomillashtirish bo‘yicha keng ko‘lamli ishlar amalga oshirildi. Xususan:

— 24 ta chiqindi yig‘ish maydonchasi to‘liq buzilib, zamonaviy talablar asosida qayta qurildi;
— 19 ta maydoncha esa mukammal ta’mirlanib, zamonaviy ko‘rinishga keltirildi;
— qo‘shimcha ravishda 20 ta yangi chiqindi yig‘ish maydonchasi barpo etildi.

Shuningdek, chiqindi tashlash jarayonida tartib-intizomni kuchaytirish, noqonuniy chiqindi tashlash holatlarining oldini olish hamda jamoat nazoratini ta’minlash maqsadida korxonaga qarashli 416 ta chiqindi yig‘ish maydonchasiga zamonaviy kuzatuv kameralari o‘rnatildi.