Ijtimoiy tarmoqlarda "Maxsustrans" davlat unitar korxonasi xodimlariga ish haqi to‘lash kechikayotgani haqida xabarlar tarqalmoqda. Ushbu nashrlar munosabati bilan "Maxsustrans" DUK rasmiy tushuntirish berishni zarur deb hisoblaydi. Bugungi kunda Toshkent shahar hokimligi huzuridagi "Maxsustrans" davlat unitar korxonasida 1500 nafarga yaqin xodim mehnat qilmoqda. Korxona tomonidan ish haqini to‘lash bo‘yicha majburiyatlarni o‘z vaqtida va to‘liq bajarish hamda xodimlarning ijtimoiy kafolatlarini ta’minlash bo‘yicha barcha zarur choralar ko‘rilmoqda.

Ish haqini hisoblash va to‘lash O‘zbekiston Respublikasi qonunchiligi talablariga, shu jumladan O‘zbekiston Respublikasi Mehnat kodeksi, O‘zbekiston Respublikasi Vazirlar Mahkamasining 2019-yil 6-fevraldagi 95-son qaroriga ilova, shuningdek korxonaning amaldagi jamoa shartnomasi qoidalariga qat’iy muvofiq ravishda amalga oshiriladi. Belgilangan tartibda xodimlarga oyda bir marta ish haqi hisoblanadi va to‘lanadi.

"Maxsustrans" DUK o‘z faoliyatini odatdagi tartibda amalga oshirmoqda, xodimlar mehnatiga o‘z vaqtida haq to‘lash masalalari korxona rahbariyatining doimiy nazoratida. Shu munosabat bilan, fuqarolar va ijtimoiy tarmoq foydalanuvchilaridan "Maxsustrans" DUKga nisbatan tarqatilayotgan noto‘g‘ri va tekshirilmagan ma’lumotlarga ishonmasliklarini hamda faqat rasmiy manbalardan olingan ma’lumotlardan foydalanishlarini so‘raymiz. Korxona ochiqlik tamoyillariga amal qiladi va o‘z faoliyati haqida jamoatchilikka ishonchli va dolzarb ma’lumotlarni taqdim etishga doimo tayyor. Tushunganingiz va ishonchingiz uchun tashakkur.