Shaharning bir qator mahallalarida tor ko‘chalar va cheklangan joy tufayli katta hajmli chiqindi tashish mashinalari har doim ham chiqindi yig‘ish joylariga bemalol yetib borish imkoniyatiga ega emas. Bu esa aholi uchun ham, sanitar tozalash xizmatlarini ko‘rsatuvchi tashkilotlar uchun ham muayyan noqulayliklar tug‘dirmoqda. Aholiga xizmat ko‘rsatish sifatini oshirish va chiqindilarni o‘z vaqtida olib chiqib ketishni ta’minlash maqsadida 2024-yil noyabr oyida "Maxsustrans" DUK tor ko‘chalarga ega bo‘lgan chekka hududlarda ishlash uchun maxsus mo‘ljallangan uch g‘ildirakli elektr skuterlarni sotib oldi.

Ayni paytda ushbu texnikalardan Olmazor tumanining yirik transport vositalarini qo‘llash qiyin bo‘lgan mahallalaridan chiqindilarni olib chiqishda muvaffaqiyatli foydalanilmoqda. Amaliyot shuni ko‘rsatdiki, elektr skuterlar chiqindilarni tezkor yig‘ish, hududlarning sanitariya holatini yaxshilash va aholi uchun qulaylikni oshirish imkonini beradi. Ekologik toza elektr transport vositalaridan foydalanish, shuningdek, shovqin darajasini pasaytirish va atrof-muhitga ta’sirni kamaytirishga yordam beradi, bu esa barqaror rivojlanish va "yashil" iqtisodiyotning zamonaviy tamoyillariga mos keladi. Foydalanishning ijobiy natijalarini hisobga olgan holda, kelgusida chiqindilarni olib chiqish xizmatlari sifati va ommabopligini oshirish uchun bunday elektr skuterlar sonini ko‘paytirish va ularni "Maxsustrans" DUK faoliyatida qo‘llash ko‘lamini kengaytirish rejalashtirilgan.