Ijtimoiy tarmoqlarda "Maxsustrans" korxonasi faoliyatiga oid norasmiy ma’lumotlar tarqaldi Xususan, bloger Makarenko maishiy chiqindilarni yig‘ish maydonchasida to‘planib qolganligi aks etgan fotosuratlar e’lon qilinib, korxonaga nisbatan tanqidiy fikrlar bildirildi.
O‘rganish davomida ushbu fotomateriallar Yakkasaroy tumani Shota Rustaveli ko‘chasi 9-uy yaqinida joylashgan individual foydalanishdagi modulli konteynerlarga tegishli ekanligi aniqlandi. Shu bilan birga, ushbu konteyner modullari joylashgan hududga kirish maxsus kalit orqali amalga oshiriladi, shu sababli maxsus chiqindi tashish mashinasi haydovchisi ushbu hududga kirish imkoniyatiga ega bo‘lmagan. Holatni o‘rganish natijasida korxona mas’ul xizmatlari tomonidan maishiy chiqindilar tezkorlik bilan olib chiqib ketilgan va kelgusida bunday holatlarning oldini olish maqsadida mazkur masala alohida nazoratga olingan.
Ma’lumot uchun: Toshkent shahri hududida 1055 ta qattiq maishiy chiqindilarni yig‘ish maydonchalari mavjud bo‘lib, ularga ixtisoslashtirilgan texnikalar sutkasiga kamida bir marta kirib boradi. Mazkur jarayon GPS-monitoring tizimi orqali nazorat qilinadi. Korxona balansidagi chiqindilarni olib chiqib ketish uchun mo‘ljallangan 387 ta maxsus texnikaga GPS qurilmalari o‘rnatildi. Ularning harakatlanishi Transport vazirligining "Toza poytaxt" platformasiga integratsiya qilingan bo‘lib, texnikalarning harakatlanish yo‘nalishlari monitoring markazi tomonidan doimiy nazoratga olingan. Korxona faoliyatining ochiqligi va shaffofligini ta’minlash maqsadida rasmiy veb-sayt (www.maxsustrans.uz), unda chiqindi yig‘ish maydonlari, xarid qilinayotgan konteynerlar va yangi ixtisoslashtirilgan texnikalar to‘g‘risidagi ma’lumotlar muntazam ravishda joylashtiriladi, shuningdek, tizimning joriy ish jarayonlari yoritiladi. Bundan tashqari, aholi bilan ochiq muloqotni ta’minlash maqsadida shaharning har bir tumanida fuqarolarning sayyor qabullari tashkil etilmoqda, Telegram-группа для оперативного взаимодействия, а также круглосуточная диспетчерская служба (24/7).
Chiqindilar konteyner maydonlarida to‘planib qolishining oldini olish maqsadida ularni olib chiqib ketish ishlari kunduzgi va kechki smenalarda tashkil etildi. Avval xabar qilinganidek, kechki smenada ishlarni kuchaytirish uchun qo‘shimcha ravishda 50-60 ta maxsus texnika jalb etilmoqda. Toshkent shahri aholisi soni yil sayin ortib bormoqda, bu esa maishiy chiqindilar hajmining oshishiga olib kelmoqda. Shunga qaramasdan, "Maxsustrans" korxonasi tomonidan ko‘rsatilayotgan xizmatlar sifatini ta’minlash va chiqindilar bilan bog‘liq ishlarni amalga oshirish tizimini yanada takomillashtirishga qaratilgan chora-tadbirlar doimiy ravishda amalga oshirilmoqda.