Endilikda yashil tashabbuslar moliyalashtiriladi

Eko faol yoshlar uchun yana bir yangi imkoniyat. 2026-yildan boshlab atrof-muhitni asrash, ekologik madaniyatni oshirish va “yashil” g‘oyalarni amalda qo‘llab-quvvatlash uchun endilikda har yili 10 mlrd so‘mgacha mablag‘ ajratiladi.

Bu borada 2025 yil 8 oktyabr kuni Vazirlar Mahkamasining 631-sonli qarori qabul qilindi. 

Hukumat qarori bilan Yoshlar ishlari agentligi huzurida “Yashil tashabbuslarni qo‘llab-quvvatlash jamg‘armasi” tashkil etildi va quyidagi tashabbuslar moliyalashtiradi:

• Tabiatga mehr va ekologik madaniyatni oshiruvchi loyihalar;
• Chiqindilarni qayta ishlash, yashil energiya va ekologik toza texnologiyalarni rivojlantirish;
• Daraxt ekish va parvarishlash tashabbuslari;
• Iqlim o‘zgarishi va ekologik barqarorlik bo‘yicha yoshlar g‘oyalari;
• Eko mavzudagi video, animatsiya va media loyihalar;
• Energiya tejamkorligi bo‘yicha tanlovlar va aksiyalar;
• O‘rmonlarni tiklash, ekologik turizmni rivojlantirish tashabbuslari;
• Eko-chellenjlar va energiya sarfini kamaytiruvchi mobil ilovalar yaratish.

Aziz fuqarolar tabiatimizni asrab-avaylashga qaratilgan ekologik  loyihalaringiz bo'lsa, endilikda ularni amalga oshirishingiz imkoniyatingiz mavjud.