Tumanlardagi filiallarda yig‘ilishlar o‘tkazilib, xizmat iste’molchilaridan debitor qarzdorlikni undirish ishlari bo‘yicha mas’ul inspektorlarga tegishli topshiriqlar berildi.

Asosiy e’tibor nafaqat qarzdorlikni o‘z vaqtida to‘lash masalalariga, balki aholi bilan konstruktiv muloqotni yo‘lga qo‘yishga ham qaratiladi. Inspektorlarga tushuntirish ishlarini olib borish, fuqarolarning murojaatlarini diqqat bilan tinglash, xizmatlar haqini to‘lashda yuzaga kelayotgan muammolarni o‘rganish va ularni amaldagi qonunchilik doirasida hal etishga ko‘maklashish topshirildi. Bunday yondashuv xizmat ko‘rsatuvchi va iste’molchilar o‘rtasidagi o‘zaro anglashuvni mustahkamlash, fuqarolarning ishonch darajasini oshirish va aholi bilan yanada samarali hamkorlikni ta’minlash imkonini beradi.Aholini ko‘rsatilgan xizmatlar uchun o‘z vaqtida haq to‘lash zarurligi, ularning huquq va majburiyatlarini tushuntirish, shuningdek, qarzdorlik to‘planishining oqibatlari haqida xabardor qilishga alohida e’tibor qaratilmoqda.