Bugun korxonamiz rahbariyati tashabbusi bilan ko‘p yillardan buyon tizim rivojiga munosib hissa qo‘shib kelayotgan fidoyi, tashabbuskor va halol xodimlar O‘zbekiston Respublikasi Konstitutsiyasining 30 yilligi sharafiga esdalik nishoni bilan taqdirlandi. Ushbu mukofot sizlarning fidokorona mehnatingiz, yuksak kasbiy mahoratingiz, mas’uliyatingiz va tanlangan ishga sadoqatingizning e’tirofidir. Bunday xodimlar tufayli korxona o‘z oldiga qo‘yilgan vazifalarni muvaffaqiyatli bajarib, ishonch bilan olg‘a intilmoqda.

Sizlarni ushbu munosib mukofot bilan chin dildan tabriklab, mustahkam sog‘lik, baxt-saodat, bitmas-tuganmas kuch-g‘ayrat, kasbiy faoliyatingizda yangi yutuq va zafarlar tilaymiz. Mukofotlar xizmatlaringizning davomi bo‘lib, mehnatingiz doimo munosib taqdirlansin. O‘z kasbingizga sadoqat va yuksak professionallikni saqlab, xalqimiz va mamlakatimiz farovonligi yo‘lida xizmat qilishdan charchamang.

Sizga yangi muvaffaqiyatlar, kelgusi yutuqlar va kelajakda yanada yuksak mukofotlar tilaymiz!