Fuqarolarning murojaatlari bilan ishlash va yuzaga keladigan masalalarni tezkor hal etish mas’ul xizmatlar faoliyatining ustuvor yo‘nalishlaridan biri bo‘lib qolmoqda. Mirobod tumani "Parvona" mahallasi Munis ko‘chasida joylashgan 40/1 va 40/2 uylar aholisi maishiy chiqindilarni yig‘ish uchun mo‘ljallangan konteyner maydonchalariga xizmat ko‘rsatish bilan bog‘liq suv ta’minoti masalasida murojaat qilishdi.

Vaziyatni batafsil o‘rganish maqsadida mutaxassislar voqea joyiga borib, aholi bilan uchrashuv o‘tkazdi. Muloqot davomida fuqarolarga murojaat mohiyati bo‘yicha zarur tushuntirishlar berildi, shuningdek, amaldagi qonunchilik normalari va bunday masalalarni hal etish tartibi yetkazildi. Murojaatni ko‘rib chiqish yakunlari bo‘yicha xizmat ko‘rsatuvchi boshqaruv kompaniyasi rahbari bilan zarur choralarni ko‘rish va ko‘tarilgan masalani ijobiy hal etish bo‘yicha kelishuvga erishildi.