Chiqindi to‘plash punktlarini qurish va joylashtirish masalalari mahalliy ijro etuvchi hokimiyat organlari tomonidan fuqarolarning o‘zini o‘zi boshqarish organlari ko‘magida, xususiy uy-joy mulkdorlari shirkatlarining, boshqaruvchi tashkilotlarning murojaatlari yoxud tegishli hududda yashovchi fuqarolarning bevosita murojaatlari asosida amalga oshiriladi.

Chiqindi to‘plash punktlarini joylashtirish joylarini belgilashda sanitariya me’yorlari, hududlarni obodonlashtirish talablari, shuningdek, aholining manfaatlari va ehtiyojlari hisobga olinadi. Ushbu tartib O‘zbekiston Respublikasi Vazirlar Mahkamasining 2018 yil 2 oktyabrdagi "Maishiy chiqindilar bilan bog‘liq ishlarni amalga oshirish tizimini takomillashtirish chora-tadbirlari to‘g‘risida"gi 787-sonli qarori bilan belgilangan. Zamonaviy chiqindi to‘plash punktlarini tashkil etish va jihozlash aholining sanitariya osoyishtaligini ta’minlash, aholi punktlarini toza saqlash va chiqindilarni boshqarish tizimining samaradorligini oshirishga qaratilgan.